Եվրոպայի անվտանգությունը պետք է ապահովի Եվրամիությունը, ոչ թե ԱՄՆ-ը: Ինչպես հաղորդում է «ՌԻԱ Նովոստի»-ն, նման հայտարարություն է արել Եվրահանձնաժողովի նախագահ Ժան-Կլոդ Յունկերը:
«Ամերիկյան քարոզարշավը (նախագահական-խմբ.) մեզ որոշ հուշումներ է անում. ամերիկացիներն այլևս պատրաստ չեն ռազմական գործողություններ իրականացնել Եվրոպայում: Հավատացե՛ք, ես հանդես չեմ գալիս Եվրոպայի ռազմականացման աջակցությամբ: Բոլորովին: Բայց ես կարծում եմ, որ մենք պատասխանատվություն ունենք երաշխավորել մեր մայրցամաքի անվտանգությունն ու կարգուկանոնը: Ապագայում դա մեզ պետք կլինի»,- ասել է Յունկերը յութուբյան հարցազրույցում:
Պատրաստեց՝ Վիկտորյա ԱՆԴՐԵԱՍՅԱՆԸ
