Ռուսաստանի պետական հումանիտար գիտությունների համալսարանի արտաքին քաղաքականության բաժնի ղեկավար, դոցենտ, ռուսաստանցի քաղաքագետ Սերգեյ Մարկեդոնովին «Առավոտ»-ը հարցրեց` Ռուսաստանի կողմից նախաձեռնություններ կարելի՞ է սպասել ղարաբաղյան կարգավորման գործընթացում:
«Ի՞նչ պետք է անի Ռուսաստանը: Հայերի եւ ադրբեջանցիների փոխարեն իրենց տեղում հայտնվի՞… Ո՛չ: Մոսկվան չպետք է դրդի դրան, նրան պետք չի: Գիտեք, մի առասպել կա, որն արդեն գրեթե 2 տարի թափառում է` «Լավրովի պլանը», որը ոչ ոք չի տեսել, դրա շուրջ շահարկումներ են», նկատեց մեր զրուցակիցը:
Ռուսաստանի պետական հումանիտար գիտությունների համալսարանի արտաքին քաղաքականության բաժնի ղեկավար, ռուսաստանցի քաղաքագետ Սերգեյ Մարկեդոնովը
Կարծում եք, որ «Լավրովի պլան» գոյություն չունի՞, դրանք շահարկումնե՞ր են ընդամենը, հարցրեցինք Սերգեյ Մարկեդոնովին: «Ես չեմ ասի` գոյություն ունի, թե ոչ, ես չեմ տեսել, դա չեն տեսել նրանք, ովքեր հղում են անում այդ փաստաթղթի վրա, նման փաստաթուղթ չկա: Պետք է քննարկել այն, ինչ կա: Գոյություն ունեն Մադրիդյան թարմացված տարբեր սկզբունքներ, դրանք մենք կարող ենք քննարկել, այն, ինչ բանակցությունների սեղանին են, դրանք մոտավորապես հասկանալի են` դա Լեռնային Ղարաբաղի կարգավիճակն է եւ Լեռնային Ղարաբաղի շուրջ շրջանների ապաբռնագրավումը: Սրանք են այն հարցերը, որոնք քննարկվում են, որոնց շուրջ էլ բախվում են կողմերի դիրքորոշումները` հարցը, ով որ քայլը պետք է անի առաջինը, ով` երկրորդ քայլը: Ահա, հարցերի այն փունջն է, որը երկար տարիներ մնում է անփոփոխ», պատասխանեց Սերգեյ Մարկեդոնովը:
Ռուսաստանցի քաղաքագետ Սերգեյ Մարկեդոնովի հետ բացառիկ հարցազրույցը կարդացեք հոկտեմբերի 5-ի տպագիր «Առավոտ»-ում:
Կարդացեք նաև
ԷՄՄԱ ԳԱԲՐԻԵԼՅԱՆ
