«ՀԱՊԿ-ը, որպես կազմակերպություն, առավել եւս որպես ռազմաքաղաքական կազմակերպություն բավականին լուրջ ճգնաժամի մեջ է գտնվում կամ հակառակ դեպքում կարելի է ասել, որ կայացման գործընթացը լուրջ հաջողության չի հասել»,- Հայաստանի ներկայացուցչի՝ ՀԱՊԿ գլխավոր քարտուղարի պաշտոնը չստանձնելու պատճառը այսպես է բացատրում քաղաքագետ Սերգեյ Մինասյանը:
Ըստ քաղաքագետի, անդամ երկրների մեջ կան լուրջ տարաձայնություններ, այդ թվում նաեւ կադրային հարցերի շուրջ. «Խնդիրներ կան որոշ անդամ պետությունների հետ, որոնց մոտեցումները այլ են, քան Հայաստանի մոտեցումները: Տարաձայնությունները նաեւ քաղաքական, տարածաշրջանային տարբեր հարցերի շուրջ են»:
Ի դեպ, ՀԱՊԿ գագաթնաժողովին անդրադարձել է նաեւ «Կոմերսանտը» այն դիտարկումներով, որ ՀԱՊԿ-ը չի հետաքրքրում նույնիսկ անդամ պետություններին:
Քաղաքագետի խոսքով. «Այդ նյութը լրագրողական առումով հետաքրքիր էր, բայց որեւէ նոր բան չկա: Այո՛, իրականում թվում է , թե ՀԱՊԿ-ը փորձում է գնալ ԱՊՀ-ի ճանապարհով»:
Կարդացեք նաև
Արփինե ՍԻՄՈՆՅԱՆ
