«Երբ սպան վերջապես հասկանա, որ զինվորը ոչ թե իր ձեռքի տակ հայտնված ինչ-որ մեկի երեխան է, այլ իր «զրահաբաճկոնն» է, որը մուկ չի տշել «կազարմայում», այլ նրա միակ ազատ ժամանակը եղել է լվացվելը, այդ ժամանակ կունենանք հզոր բանակ»,-այսօր «Միասնություն» համազգային շարժման կազմակերպած «Հասարակություն-Բանակ-Պետություն» քննարկման ժամանակ ասաց ազատամարտիկ, առաջին հետախուզադիվերսիոն ջոկատի հիմնադիր Վովա Վարդանովը:
Ըստ նրա՝ սպաների վերաբերմունքը պետք է փոխվի, իսկ բանակի արհեստավարժության գրավականը կրթված, մշտապես զբաղված զինվորն է: Զինվորական կրթության համակարգը, Վարդանովի խոսքով, եւս պետք է բարեփոխել. «Զինվորականությունը հասարակությունից կտրված է: «Ռազմագողական ինստիտուտ» բառն եմ ժամանակին լսել, որը համապատասխանում էր իրականությանը»:
Հետախույզի համար ընդունելի չէ «ապրիլյան քառօրյա պատերազմ» հասկացությունը, քանի որ պատերազմը 27 տարի շարունակվում է. «Մի բթացեք, պատերազմը շարունակվում է: Եթե «քառօրյա պատերազմ» բառը չօգտագործեք, ժողովուրդն ավելի զգոն կլինի»:
Այլ մանրամասները՝ տեսանյութում:
Կարդացեք նաև
Լուիզա ՍՈՒՔԻԱՍՅԱՆ
