Այսօր Արթիկում «Սաստեքս» տեքստիլ ֆաբրիկայի ուսումնական կենտրոնի բացմանը հրավիրված էր նաև Հայաստանում Իրանի ավտոմոբիլային գործարանի՝ «Ռենա» ՍՊԸ տնօրեն Ռեզա Նաֆեզին:
1993 թվականից Հայաստանում բնակություն հաստատած իրանցի գործարարը լրագրողների հետ զրույցում (ի դեպ, նա տիրապետում է հայերենին և հարցազրույցը հայերենով է), տեղեկացրեց, որ հայ-իրանական համագործակցության շրջանակներում պատրաստվում են հիմնել հայ-իրանական գորգագործության կենտրոն:
Այս նպատակով Իրանից Հայաստան են հրավիրել գորգագործի, Իրանից բերելու են թելն ու սարքավորումները, գորգերն արտադրվելու են Արթիկում, արտահանվելու են ՌԴ, Գերմանիա ու Չինաստան: «Հայկական խալին աշխարհում շատ մեծ անուն ունի, ցավոք, վարի է գնում մի քիչ, մենք պատրաստվում ենք վերականգնել արտադրությունը: Մենք մի անգամ Իրանում տեսել ենք մի հայկական խալի, որն, ըստ ձեզ ինչքա՞ն արժենա, արժեր 280 հազար դոլար, հարյուր տարի առաջ է արտադրվել: Գնորդ շատ կունենա հայկական խալին, կան խալիներ, որոնց գինը սկսվում է 2 հազար դոլարից, կան 10 հազար, 20 հազար դոլարանոց, տարբեր խալիներ կան: Պարսկաստանում ում տուն գնաս, խալի կա ոտքի տակ»,-ասաց Ռեզա Նաֆեզին:
Կարդացեք նաև
Նունե ԱՐԵՎՇԱՏՅԱՆ
