Ապրիլի 2-ի ՀՀ ԱԺ ընտրությունների քարոզարշավի ընթացքում դիտորդական առաքելություն կիրականացնեն ԵԱՀԿ Ժողովրդավարական հաստատությունների և մարդու իրավունքների գրասենյակի /ԺՀՄԻԳ/ 14 փորձագետներ՝ 13 երկրներից, որոնց քվեարկության օրը կմիանան կարճաժամկետ 250 դիտորդներ՝ քվեարկության ընթացքը դիտարկելու համար: Այս մասին այսօր լրագրողների հետ հանդիպմանը տեղեկացրեց ԵԱՀԿ/ԺՀՄԻԳ ընտրությունների դիտորդական առաքելության ղեկավար դեսպան Յան Պետերսենը:
Նա նշեց, որ 11-րդ անգամ է դիտորդական առաքելություն իրականացվելու. «Մենք անկողմնակալ ենք, գործող անձ չենք եւ գործընթացին մասնակից չենք: Դիտարկելու ենք, գնահատելու եւ ներկայացնելու առաջարկներ: Քարոզարշավի վերաբերյալ մենք կտանք մեկնաբանություններ, իսկ շաբաթներ անց պատրաստ կլինի միջանկյալ զեկույցը, որը կներառի նախնական գնահատականներ»:
Պետերսենը հայտնեց, որ քվեարկության հաջորդ օրը կներկայացնեն ընտրությունների վերաբերյալ նախնական դիտարկումներ, իսկ երկու ամիս անց պատրաստ կլինի վերջնական զեկույցը՝ համապատասխան առաջարկներով:
«Դրանք հաշվի չառնելը կամ հակառակը, մնում է ՀՀ իշխանությունների, կառավարության եւ կուսակցությունների որոշմանը»,-նկատեց դեսպանը:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
