Ամենաագրեսիվ քարոզարշավը, մեր դիտարկումներով, առայժմ «Օրինաց Երկիրն» է իրականացնում։ Երեկ քաղաքի տարբեր վայրերում Հեղինե Բիշարյանին տեսանք, որը նույն բանն էր հայտարարում. «Ես եմ գրավ մուծել Հաց բերողի համար, ես եմ պայքարել նրա ազատության համար»։ Ֆեյսբուք ենք մտնում, այնտեղ էլ է երկրի թիվ մեկ աչքահանը մեր աչքը մտցնում իր գրավի պատմությունը։ Չնայած մենակ ինքը չէ գրավ մուծել, բայց մյուսները՝ չգիտես ինչու, այդ մասին առանձնապես չէին արտահայտվում։
Դա էլ հեչ, բա որ երեկ Հեղինե Բիշարյանը հայտարարեց, թե «Օհանյան-Րաֆֆի-Օսկանյան» դաշինքի ընտրական ցուցակը գլխավորող Սեյրան Օհանյանը պատվեր է կատարում։ Պատկերացնում եք, չէ՞, Հեղինե Բիշարյանը պատվերից է խոսում։ Սեյրան Օհանյանը ասել էր, թե իրենց դաշինքը միակ ընդդիմադիրն է, իսկ մյուսները պայմանավորվածություններ ունեն իշխանության հետ։
Ու նորից, ոչ ոք առանձնապես բանի տեղ չդրեց ՀՀ ՊՆ նախկին նախարարի այս խոսքերը, միայն Հեղինե Բիշարյանը ծանր տարավ։ Հայտնի անեկդոտի պես. «ինձ նամիկատ անողի…»։ Չգիտենք, տվյալ դեպքում Սեյրան Օհանյանը ինչ պատվեր է կատարել, եւ արդյոք դա պատվեր էր, բայց որ «Օրինաց Երկիրը» գոնե ներքին ու անդրկուլիսյան պայմանավորվածությունների մեծ փորձ ունի՝ փաստ է, որի մասին «Վիկիլիքսում» տասնյակներով կարելի է գտնել։
Մհեր ՂԱԼԵՉՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
