ՀՀ ԳԱԱ Մեխանիկայի ինստիտուտի տնօրենի պաշտոնում վերընտրվեց ֆիզիկամաթեմատիկական գիտությունների դոկտոր, պրոֆեսոր Վահրամ Հակոբյանը: Վահրամ Հակոբյանը ծնվել է 1954 թվականի հունվարի 10-ին: Գերազանցությամբ ավարտել է Երևանի պետական համալսարանի մեխանիկամաթեմատիկական ֆակուլտետը: Պաշտպանել է դոկտորական ատենախոսությունը ՀՀ ԳԱԱ Մեխանիկայի ինստիտուտում:
Վահրամ Հակոբյանի գիտական գործունեության ուղղություններն են`
– առաձգականության տեսություն` կոնտակտային և խառը եզրային խնդիրներ
– անհամասեռ ծերացող սողքի տեսություն` բարակապատ էլեմենտներից ուժի փոխանցումը մասիվ մարմիններին
– քայքայման մեխանիկա` մասիվ մարմիններում միաժամանակ գործող լարումների տարբեր տիպի կուտակիչների փոխազդեցությունը:
Վահրամ Հակոբյանը 94 գիտական հոդվածների, երկու մենագրության և մեկ ուսումնական ձեռնարկի հեղինակ է:
ՀՀ ԳԱԱ
