«Գիտանք» հրատարակչությունը հայերեն լույս է ընծայել Դոմինիկ Ֆորտիեի «Ծովից վտանգվածը» վեպը, որը 2016թ. ստացել է Կանադայի բարձրագույն գրական մրցանակը (Prix littéraires du Gouverneur général) : Վեպը թարգմանել է Կարինե Աղաբեկյանը:
Գործողությունը ծավալվում է Միջնադարում և մեր օրերին: Հեղինակը վարպետորեն միահյուսել է Սան Միշել վանքի, դրա գրադարանի և մի նկարչի սիրո պատմությունները: Գրադարանի լավ ժամանակներին Սան Միշել վանքը հայտնի էր որպես խոշոր Մատենադարան:
XV դարում հենց այդտեղ` վանքի գորշ պատերի միջև, ապաստարան է գտնում մի նկարիչ, որին հետապնդում են հուշերը իր սիրած կնոջ մասին: Հինգ հարյուր տարի անց հենց այդտեղ` երկնքի և ծովի միջև, նրան գտնում է մի վիպասանուհի: Նրանք հանդիպում են անձրևի տակ մոռացված նոթատետրի էջերին: Այս վեպը ձոն է գրքին և նրանց, ովքեր այն ստեղծում են ու պահպանում:
Ալեքսանդր ԱՂԱԲԵԿՅԱՆ
Հրաշք վեպ է: Թարգմանելիս մեծ հաճույք ստացա և շատ բան իմացա: