Վիտամինների պակասությունը լուրջ խնդիրների է հանգեցնում, եւ եթե մտահոգված եք ձեր առողջությամբ, ապա ուշադիր եղեք: Օրինակ, եթե անընդհատ գլխացավեր եք ունենում, հոգնածություն, մկանային թուլություն, մարսողական ուղիների եւ նյարդային համակարգի խանգարում, եղունգների դյուրաբեկություն, ապա ձեր օրգանիզմում կա վիտամին B1-ի պակաս, որը լրացնելու համար անհրաժեշտ է իմանալ, որ այս վիտամինը պարունակում է խոշոր աղացած ալյուրը, ցորենի հացը, միսը, կաթը, լոբազգիներին պատկանող բույսերը, կանաչեղենը, աշորայի հացը եւ այլն:
Աչքերի արագ հոգնածության ժամանակ կամ երբ կոպերում այրոց կա, տեսողության թուլացում, բերանի անկյուններում ճեղքերի առաջացում, պեպենների եւ պիգմենտային բծեր, շրթունքների ճաք, ապա ձեր օրգանիզմում պակաս է վիտամին B2-ը: Ուստի ձեր սննդակարգում ընդգրկեք վիտամին B2 պարունակող մթերքներ` սեւ հաց, լյարդ, միս, ձուկ, կաթ, կաղամբ, լոլիկ եւ այլն:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
20.05.2017
