Ադրբեջանի ՊՆ-ն հրապարակել է իբր իր տարածքում հատնված հայ «hետախույզի» մասին տվյալներ եւ տեսանյութ: Նրա անուն ազգանունը մի լրատվամիջոցում Զավեն Կարապետյան, մի այլ լրատվամիջոցում Խավեր Կարապետյան է նշվում, որն իբր թե ծնվել է 1974թ.նոյեմբերի 16-ին Նոյեմբերյանի շրջանի Դովեղ գյուղում, նա ներկայանում է իբրեւ Դովեղի բնակիչ:
Դովեղի գյուղապետ Սամվել Գորգինյանն ասաց, որ իրենց գյուղում Կարապետյաններ չկան:
Մենք նայեցինք խորհրդային շրջանում տպագրված Դովեղ գյուղի հեռախոսահամարների գիրքը, ուր Կարապետյաններ չկան:
Ադրբեջանի ՊՆ-ի սարքած տեսանյութի մեջ որպես հայ հետախույզ ներկայացած, զրահաբաճկոնով մարդու ելույթը կցկտուր է, անտրամաբանական, նրա խոսքը հայերենի նման չէ:
Ուշագրավ է, որ տղամարդը իր «հայրենի» Դովեղի մասին ասում է ադրբեջանական ձեւով՝ Դովեղքենդ:
3 րոպե 41 վայրկանանոց տեսանյութում 4 տեղ երեւում է կադրերի կոպիտ մոնտաժ, հետախույզի մասին «կինոն» շատ վատ է սարքված:
Ոսկան ՍԱՐԳՍՅԱՆ
