Բաքվում ավարտվել է ձերբակալված բլոգեր Ալեքսանդր Լապշինի դեմ հարուցված քրեական գործով նախապատրաստական նիստը: Ինչպես հաղորդում է ԱՊԱ-ն, նիստում հստակեցվել են մեղադրյալի անկետային տվյալները:
Նիստի ընթացքում Լապշինն ասել է, որ ունի Իսրայելի, Ուկրաինայի և Ռուսաստանի քաղաքացիություն, իր խնամակալության տակ գտնվում է մանկահասակ երեխա: Նա նաև նշել է, որ ծանոթացել է մեղադրական արձանագրությանը: Որպես վերջին բնակության վայր՝ բլոգերը նշել է Իսրայելը:
Լապշինի փաստաբանը որևէ միջնորդություն չի ներկայացրել:
Նախնական դատական նիստը նշանակվել է հունիսի 30-ին:
Հիշեցնենք, Ալեքսանդր Լապշինը մեղադրվում է անօրինական կերպով Ադրբեջան մուտք գործելու մեջ: Նրա մուտքն այդ երկիր արգելված էր, քանի որ նա ներառված է Ադրբեջանի ԱԳՆ «սև ցուցակում»՝ Արցախ այցելելու համար:
Պատրաստեց Վիկտորյա ԱՆԴՐԵԱՍՅԱՆԸ
