Գոյություն ունեն բժշկական 180 նեղ մասնագիտություններ, որոնցից յուրաքանչյուրն զբաղվում է օրգանիզմի մի մասնիկի ուսումնասիրմամբ:
Այնինչ, շատ մասնագետներ պնդում են, որ օրգանիզմի որեւէ օրգան առանձին բուժել հնարավոր չէ, քանի որ խախտումը տեղի է ունեցել ամբողջության մեջ, որի բոլոր բաղադրիչները սերտորեն փոխկապակցված են միմյանց հետ եւ կազմում են ինքնակարգավորվող մի համակարգ:
Մասնագետները համարում են, որ կենսագործունեության համար մարդու օրգանիզմին հարկավոր է օրական 1200-1700 կկալ` կախված մարմնի քաշից: Սակայն, ըստ հետազոտությունների, պարզվել է, որ բնական ապաքինման համակարգին հետեւող մարդուն օրական բավարարում է 250-450 կկալ։ Այդքան կալորիականություն պարունակող սնունդ ընդունող մարդիկ ակտիվ աշխատանքի ընթացքում ոչ միայն չեն նիհարում, այլ ընդհակառակը` ավելացնում են իրենց քաշը։
Մարդը շրջապատող բնության հետ միասնություն կազմող ինքնակարգավորվող մի համակարգ է` բնության բարձրագույն ռեսուրսը։ Ռուս ֆիզիոլոգ, հոգեբան, նյարդաբան, ռուսական խոշորագույն ֆիզիոլոգիական դպրոցի հիմնադիր Իվան Պետրովիչ Պավլովն ասել է, թե մարդու կենտրոնական նյարդային համակարգի հարմարվողական ունակությունը թույլ է տալիս, որ օրգանիզմը ոչ միայն մշտապես ինքնավերականգնվի, այլեւ ինքնակատարելագործվի, միայն թե պայմաններ ստեղծվեն: Այդ խնդրի իրականացման համար, մասնագետները խորհուրդ են տալիս մարդկանց մեջ սերմանել բարձր պատասխանատվության զգացում` իրենց եւ հասարակության առողջության հանդեպ։
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ օրաթերթ»
22.06.2017
