Համբուրգում այսօր սկսվում է «Մեծ քսանյակի» գագաթաժողովը: Սպասվում է, որ այն կուղեկցվի բողոքի ակցիաներով և ակցիայի մասնակիցների ու ոստիկանների միջև բախումներով:
Բախումները սկսվել են դեռ վաղ առավոտյան. հարյուրավոր ցուցարարներ փորձել են ներխուժել անվտանգության կարմիր գոտի, առավել ծայրահեղականներն այրել են մի քանի կայանած ավտոմեքենա:
Առավոտյան ժամը 8-ից Համբուրգի մի քանի փողոցներում ցույցեր են սկսվել՝ «Արգելափակել կապիտալի տեղաշարժը» կարգախոսով: Մարդիկ սկսել են փակել այն փողոցները, որոնցով պետք է նախագահները մտնեն կարմիր գոտի: Ոստիկանությունը փորձում է հեռացնել ցուցարարներին, բայց առայժմ անարդյունք:
Պատրաստեց՝ Վիկտորյա ԱՆԴՐԵԱՍՅԱՆԸ
