«Ցավալին այն է, որ «ֆեյսբուքում» կարդում եմ լատինատառ գրառումներ…գուցե Հայո՞ց լեզվի պահպանման եւ զարգացման հայեցակարգ մշակենք»,-«Տեսակետ» մամուլի ակումբում այսօր անդրադառնալով ԿԳ նախաձեռնությանը՝ օտար լեզուների զարգացման հայեցակարգ մշակելուն, որում ներառված է ռուսերենի զարգացման խնդիրը, ասաց քաղաքագետ, ԱԺ նախկին պատգամավոր Թեւան Պողոսյանը:
Նրա բնորոշմամբ՝ մինչեւ հայերենի խնդիրը չլուծենք, ի՞նչ կարիք կա մտածելու՝ ռուսերենի՞, թե անգլերենի դասավանդումն ենք զարգացնելու:
«Մեր երեխաների մեծ մասը մուլտֆիլմեր են նայում ռուսերեն եւ անգլերեն, սա է մտահոգիչը: Եթե մտածելակերպը լինի հայերեն, քանի լեզու իմանան, երջանիկ կլինենք»,-համոզմունք հայտնեց Թեւան Պողոսյանը:
Նրա խոսքով՝ հանճար լինելու համար մայրենի լեզվով պետք է մտածել:
Լուիզա ՍՈՒՔԻԱՍՅԱՆ
Ալեքսանդր Սերգեևիչ Պուշկինը ռուսերեն լեզուն սովորել է միայն 12 տարեկանում, որովհետև մանկուց խոսում էր միայն ֆրանսերեն: Պուշկինի մայրենին, այսպիսով, ֆրանսերենն էր: Եվ հազիվ թե մինչ ռուսերեն սովորելը նա անտաղանդ էր և ապաշնորհ: Վլադիմիր Դալյ. դանիական ծագումով ռուս հանճարեղ լեզվաբանը տիրապետում էր ութ լեզվի: Հայ մեծ գրող Վիլյամ Սարոյանը գրում էր միայն անգլերենով:Այս շարքը կարել է շարունակել…
Այսպիսով՝ հանճարության և մայրենին իմանալ-չիմանալու միջև կապի առկայությունը, մեղմ ասած, վիճարկելի է: