Ռուսաստանի կրթության և գիտության նախարար Օլգա Վասիլևան հայտարարել է, որ երկրում հնարավոր չէ երկու օտար լեզուների ուսուցանում բոլոր դպրոցներում, գրում է meduza.io-ն:
Նա պարզաբանել է, որ դպրոցականները պետք է «լավ իմանան օտար լեզու, ցանկալի է անգլերեն»: Երկրորդ օտար լեզուն, Վասիլևայի խոսքով, պետք է սովորել միայն ժամանակի, ուսուցիչների և երեխաների հնարավորության առկայության դեպքում:
Վասիլևան հիշեցրել է, որ անգլերենով է գրվում գիտական հոդվածների մեծ մասը: Բացի այդ, գերատեսչությունը նախատեսում է մինչև 2022թ. մեկ օտար լեզուն պարտադիր դարձնել միասնական քննությունների ժամանակ:
«Մենք չենք կարող հիմա մեզ թույլ տալ բոլոր դպրոցներում երկու օտար լեզու, մենք դրանք չենք սովորի: Մենք պետք է լավ իմանանք ռուսերենը, որն այնքան էլ լավ չգիտենք: Մենք պետք է իմանանք օտար լեզու, ցանկալի է անգլերեն. դա այսօրվա դրությամբ միջազգային շփման լեզուն է», – ասել է նախարարը:
Պատրաստեց՝ Վիկտորյա ԱՆԴՐԵԱՍՅԱՆԸ
