Հազի դեպքում արդյունավետ է հետեւյալ բուժամիջոցը. 1 կիտրոնը եռման ջրի մեջ խաշել 10 րոպեի չափ, մարմանդ կրակի վրա: Այնուհետեւ խաշված կիտրոնը կտրել եւ քամել ամբողջ հյութը: Քամված հյութը լցնել բաժակի մեջ, ավելացնել 2 ճաշի գդալ գլիցերին, լավ խառնել, ապա բաժակը ամբողջությամբ լցնել մեղրով: Ստացված խառնուրդի ընդունման չափը կարելի է որոշել հազի չափով: Եթե հիվանդը հազվադեպ է հազում՝ օրական պետք է ընդունի 1 թեյի գդալ խառնուրդ, որը օգտագործելուց առաջ անհրաժեշտ է լավ խառնել:
Եթե հազը անհանգստացնում է գիշերային ժամերին, ապա անհրաժեշտ է ընդունել 1 թեյի գդալ քնելուց առաջ եւ մեկն էլ գիշերվա ժամերին:
Հազի դեպքում խորհուրդ է տրվում առավել հայտնի խառնուրդը եւս: Բողկը խոզանակով լավ լվանալ, դանակով կտրել վերեւի մասը եւ մեջտեղի հատվածը փորել այնքան, որ փորվածքի մեջ տեղավորվի 2 ճաշի գդալ մեղր: Որից հետո բողկը դնել որեւէ ամանի մեջ ուղղահայաց դիրքով՝ կտրած մասը դեպի վերեւ, ապա ծածկել ստվարաթղթով: 3-4 ժամ թողնելուց հետո դատարկել փորվածքում առաջացած խառնուրդը: Ընդունել օրը 3-4 անգամ՝ 1 թեյի գդալի չափով:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
08.02.2018
