Արվեստների քաղաք Ֆլորենցիան ամեն ինչով է արվեստով լեցուն: Այստեղ հաճախ
կարելի է հանդիպել փողոցային արվեստի՝ սթրիթ արտի ներկայացուցիչների, փողոցային երաժիշտների, նկարիչների: Ֆլորենցիայում չեն զլացել ասֆալտին արտանկարել անգամ հոլանդացի նկարիչ Յան Վերմեերի «Մարգարտե ականջօղով աղջիկը» կտավի տիկնոջը: Հանրահայտ կտավում պատկերված կնոջը երբեմն անվանում են «Հյուսիսային Մոնա Լիզա», իսկ կտավը գտնվում է Հաագայի Մաուրիցհեյս թանգարանում։
Իմիջիայլոց, մարգարտե ականջօղով աղջիկը Ֆլորենցիայի կենտրոնական փողոցներից մեկում միայնակ չէ, ասֆալտին նրա հարեւանությամբ Հիսուս Քրիստոսն է եւ էլի ուրիշներ: Այս քաղաքում բնավ հիվանդագին չեն վերաբերվում, որ Վերմեերին «գետնով» են տվել. անցորդները կամ հիանում եմ փողոցային արվեստի այդ նմուշով, կամ համատարած գեղեցիկի մեջ արվեստի գլուխգործոցի ասֆալտային կրկնօրինակումը չեն էլ նկատում:
Լուսանկարները՝ ԳՈՀԱՐ ՀԱԿՈԲՅԱՆԻ
«Առավոտ»
30.03.2018
