Էներգետիկ ոլորտում սակագների նվազեցման հնարավորությունն ուսումնասիրելու համար ստեղծվել է աշխատանքային խումբ. այն նաեւ ուսումնասիրում է սակագների հիմնավորվածությունը։
Այս մասին այսօր ֆեյսբուքյան ուղիղ եթերում ասաց ՀՀ վարչապետ Նիկոլ Փաշինյանը։
Նա նաեւ պատասխանելով օգտատերերից մեկի՝ ՀԱԷԿ-ի մասին հարցին, ասաց․«Ինձ զեկուցել են, որ այնտեղ 500 աշխատող կա, որոնք հավելյալ հաստիքներ են: Նրանք աշխատավարձ են ստանում: Նախկին իշխանությունները մարդկանց աշխատանքի են տեղավորել ընտրությունների համատեքստում, ու այդպես է պրոբլեմն առաջացել»։
Փաշինյանը վստահեցրեց՝ այդ «հավելյալ» աշխատակիցներին չի կարելի գրչի մի հարվածով ազատել աշխատանքից, որովհետեւ սոցիալական խնդիր կառաջանա։
Նելլի ԲԱԲԱՅԱՆ
