Քիչ անց մեկուսարանից դուրս կգա Մանվել Գրիգորյանը: Այս մասին լրագրողներին հայտնեց Մանվել Գրիգորյանի պաշտպան Արսեն Մկրտչյանը: Դատարանն այսօր որոշել է Մանվել Գրիգորյանի խափանման միջոցը փոխել եւ նրան գրավով ազատ արձակել:
Դատարանը մոտ տասը օր առաջ մերժեց ձեր միջնորդությունը եւ երկու ամսով կալանքը երկարացրեց, ինչպե՞ս ստացվեց, որ այսօր դատարանը որոշեց գրավի դիմաց ազատ արձակել Մանվել Գրիգորյանին, ինչ փաստարկներ է իր որոշման հիմքում դրել, լրագրողների հարցերին, Մանվել Գրիգորյանի պաշտպան Արսեն Մկրտչյանը պատասխանեց, որ պաշտպանական կողմը հերթական միջնորդություն է ներկայացրել եւ այս անգամ դատարանը բավարարել է. «Ուղղակի տրամաբանական, նորմալ դատական ակտ է կայացվել, որը որ, ըստ իս, պետք է վաղուց կայացված լիներ»:
Պաշտպանն ասաց, որ չի կարող մանրամասնել ինչպես է հիմնավորել իր պաշտպանյալին ազատ արձակելու միջնորդությունը, քանի որ նիստը փակ է եղել եւ այդ առումով կաշկանդված է, չի կարող բարձրաձայնել: Հարցին՝ առողջական խնդիրնե՞րն է հաշվի առել դատարանը, որ որոշել է ազատ արձակել, Արսեն Մկրտչյանն ասաց, որ առողջական վիճակն էլ, սակայն գլխավոր պատճառը դա չի եղել:
Պաշտպանն այդպես էլ չնշեց, որն է եղել գլխավոր պատճառը ազատ արձակելու:
Ազգային անվտանգության շենքի մոտ հավաքվել էին Մանվել Գրիգորյանի մտերիմներն ու ընկերները:
Լուսինե ԲՈՒԴԱՂՅԱՆ
Հին խաղերը սկսան …
Ուր են Պ. Փաշինեանին բեմական սպառնալիքները որ անցեալի բոլոր ոճրագործները պիտի ուտեն իրենց պատիժը մինչեւ վերջին կաթիլը ….ժողովուրդին տպաւորութիւնը ան է որ բոլորն ալ ազատ պիտի արձակուն ափ մը գումար ցոյց տալով ????? Չեղաւ Ծառը ծուռ սկսած է բուսնիլ ;