«Ա1+» հեռուստաընկերության հայտարարությունը Ռոման Բաբայանի՝ «Մարտի 1-ի գործը» ֆիլմի կապակցությամբ
Օրերս «5-րդ ալիք» հեռուստաընկերությամբ ցուցադրվեց և սոցիալական հարթակներում տարածվեց Ռոման Բաբայանի «հեղինակած» «Մարտի 1-ի գործը» ֆիլմը։
«Ա1+»-ն ամենայն պատասխանատվությամբ հայտարարում է, որ ֆիլմում ամբողջությամբ օգտագործվել են «Ա1+»-ի սեփականություն հանդիսացող Մարտի 1-ի արխիվային նկարահանումները։ Բավական չէ, որ ֆիլմի հեղինակներն այդ կադրերը ձեռք են բերել ապօրինի ճանապարհով, նաև օգտագործել են իրականությունը խեղաթյուրելու նպատակով։
Մենք թույլ չենք տա օգտագործել մեր հեղինակային իրավունքը, խեղաթյուրել պատմությունը։
Ստորև ներկայացվում է 2008 թվականին «Ա1+»-ի պատրաստած տեսաֆիլմը (28.03.2008)՝ կից հեղինակային հղումներով՝ որպես ապացույց, որ Բաբայանի արածը գողություն է և պատմության նենգափոխում։
նկատի առնելով որ այս յօդուածին տակ անուն չկայ, իսկ մէջն ալ, պէտք եղած տեղը՝ չակերտներ չկան, այս տպաւորութիւնը կրնայ գոյանալ որ այդ յարձակողական կարծիքները – որոնք նաեւ կը միտին այդ ֆիլմի սփտումը արգիլելու -, նոյնանմում են Առավոտի կարծիքի հետ
փաստօրէն այժմու իշխանութիւնը որոշեց որ մի քանի տարի ալ այս նիւթով «զբաղեցնէ» ժողովուրդը
Հարգելի Հ. Շ. Նյութի սկզբում իսկ նշված է, որ դա «Ա1+»-ի հայտարարությունն է:
Հայերն ինձ միշտ յիշեցնում են ֆրանսիական «Անուղղելին» ֆիլմը (L’ Incorrigible, 1975): Եւս քանի՞ դար պիտի գլորուի, որ դուք վերջապէս հասկանաք, որ չի կարելի գործ ունենալ դրանց հետ: Դրանց հետ հնարաւոր չէ համագործակցել: Դրանք բարեկամներ, համախոհներ չունեն՝ միայն թշնամիներ կամ վասալներ: Ե՞րբ պիտի հասկանաք, որ այդ տարատեսակ «-յան»-երը (Բաբայեան, Կուրգինեան, Սիմոնեան, Շախնազարեան, Միգրանեան, ………………………………………..) քօղարկուած բորենիներ են, ճղճիմ կամակատարներ:
Մարդու ուղեղում չի տեղաւորւում, որ դրանք գան ինձ խնդրեն հարցազրոյց տալ ու ես համաձայնեմ կամ հաւատամ, որ ազնիւ նպատակներով են դա անում: Էս կարգի միամիտ է՞ք: Ես վաղո՜ւց արդէն համոզուել եմ, որ հայերի միամտութիւնը, այդ կոյր հաւատը մեծագոյն սպառնալիք է հայոց պետականութեան համար:
Սիրելի՛ լրագրողներ, մարդկանց տարրական մեդիագրագիտութիւն սովորեցրէք, որպէսզի հեռու մնան այդ կացնային, ուղեղ-լուացող քարոզչական փոթորիկներից:
Հայե՛ր, կրթուէք, պատմութիւն կարդացէք: Մոռացէք դրանց: Ձեզ եւ ձեր երեխաներին հեռու պահէք այդ նեոբոլշեւիկեան չարիքից, որի վերջը շուտով գալու է:
Բալայեանը խնդրում եմ Բաբայեան դարձրէք: Սա ռուս է, միւսը՝ ուկրաինացի:
Շնորհակալություն, ուղղեցինք: «Ա1+»-ի հայտարարությունն այդ տեսքով էր