2008թ.-ի հետընտրական մարտիմեկյան ողբերգությունը բոլորիս ցավն է, բայց դրա հանգուցալուծումը պետք է տանք ճիշտ քրեադատավարական գործունեությամբ։ Այս մասին այսօր լրագրողների հետ ճեպազրույցում ասաց ՀՀ պաշտպանության նախկին նախարար, Մարտի մեկի քրեական գործի շրջանակներում ՀՀ սահմանադրական կարգի տապալման համար մեղադրվող Սեյրան Օհանյանը։ Նա հիշեցրեց, որ իրեն առաջադրված մեղադրանքը չի ընդունում։
«Այն ապօրինի է։ Կան շատ հանգամանքներ, որոնք ես հետագայում կարող եմ պարզաբանել»,-վստահեցրեց նա։ Ինչ վերաբերում է 2008թ.-ի ՀՀ ՊՆ 0038 հայտնի հրամանին, Սեյրան Օհանյանը նշեց. «Այն ներգերատեսչական հրաման է։ Բանակը հետընտրական իրադարձություններին ներգրավվել է ՀՀ նախագահի կողմից` պահպանելով բոլոր օրենսդրական կողմերը` արտակարգ դրություն մտցնելուց հետո»։ Օհանյանը նաեւ նշեց` չի տեսել մի փաստ այն մասին, որ բանակն ընդհարվել է ժողովրդի հետ։
Հիշեցնենք, որ 2008թ.-ին Սեյրան Օհանյանը ՀՀ ԶՈՒ գլխավոր շտաբի պետն էր եւ մարտի երկուսին հայտարարել էր նախագահ Քոչարյանի` արտակարգ դրություն մտցնելու հրամանագրի մասին։
Լուիզա ՍՈՒՔԻԱՍՅԱՆ
Բանակը, ինչպես նկարագրում է Սեյրանը,նաև առաջնորդող հրամանատարն է, և յուրաքանչյուր անհիմն, անօրինական ոտնձգություն նրանց նկատմամբ, առավել ևս՝ բարձրագույն սպայական կազմի, նշանակում է գլխատել չավարտված պատերազմի փորձություններով անցած և հաղթանակ կերտած բանակը։
Իսկ այդքանը երբ հասկացաք պարոն Սեյրան, երբ զգացիք ցավը ձեր մաշկի վրա թե երբ կեղծ ցուցմունք էիր տալիս Արցախի հերոս եվ հաղթող հրամանատար Սամվել Բաբայանին ուրանալով:Դու լինելով կադրավոյ սպա հրաժարվեցիր Արցախի բանակը ղեկավարել իսկ խաղաղության տարինեին ուրացար քո հրամանատարին եվ մարտական ընկերներին:
Վախկոտներին ու դավաճաններին նման վերջաբան է սպասվում: