«Այն զգացողությունն ունեմ, որ անցյալ տարեմուտին Հայաստանում տեղի ունեցած խորհրդարանական ընտրություններից հետո մեր բանակցողները աստիճանաբար սկսեցին վերադառնալ Մադրիդյան սկզբունքների շրջանակներում ներկայացված բանակցային օրակարգին»,- «Առավոտի» հետ զրույցում անդրադառնալով նախօրեին, ԱՄՆ-ում կայացած ՀՀ ԱԳ նախարար Զոհրաբ Մնացականյանի եւ Ադրբեջանի ԱԳ նախարար Էլմար Մամեդյարովի հանդիպմանն` ասաց, ԼՂՀ նախկին արտգործնախարար Արման Մելիքյանը:
«Մտավախություն ունեմ, որ աստիճանաբար իրապես լուրջ քննարկման առարկա է դառնում արցախյան ինչ-ինչ տարածքներ Ադրբեջանին հանձնելու ծրագրի տեխնիկական մանրամասների թեման: Անգամ եթե այս հարցում դեռ չկա անհրաժեշտ հստակությունը, այնուամենայնիվ մեր պատասխանատուների կողմից կիրառվող եզրույթները ստիպում են ուշադրություն դարձնել այն իրողության վրա, որ Արցախի տարածքային ամբողջականության ապահովման ասպեկտը լիովին բացառված է նրանց կողմից հռչակված առաջնահերթությունների շարքից»,- ասաց մեր զրուցակիցը:
Արման Մելիքյանի հետ զրույցի այլ մանրամասները` «Առավոտի» հաջորդ համարում:
Կարդացեք նաև
Նելլի ԳՐԻԳՈՐՅԱՆ
«Առավոտ» օրաթերթ
22․06․2019 թ․
