Իրանի արտգործնախարար Մուհամադ Ջավադ Զարիֆը հայտարարել է, որ Միացյալ Նահանգների կամ Սաուդիան Արաբիայի կողմից Իրանին հարվածելու հետևանքը կլինի լայնամասշտաբ պատերազմը:
«Լայնամասշտաբ պատերազմ»,-ասել է Զարիֆը CNN-ին տված հարցազրույցի ժամանակ՝ պատասխանելով լրագրողի այն հարցին, թե ինչ հետևանքների կհանգեցնի Էր-Ռիադի կամ Վաշինգտոնի կողմից Իրանին հարվածելը:
Իրանի արտգործնախարարը միևնույն ժամանակ ասել է, որ իր երկիրը չի ցանկանում ռազմական առճակատում, բայց հարկ եղած դեպքում իրանցիները առանց մտածելու կպաշտպանեն երկիրը: Նա ևս մեկ անգամ շեշտել է, որ Իրանը առնչություն չունի Սաուդիան Արաբիայի նավթային օբյեկտների հրթիռակոծությանը:
