Aravot.am-ը ՀՖՖ գործադիր կոմիտեի անդամ, ԱԺ փոխխոսնակ Ալեն Սիմոնյանից այսօր հետաքրքրվեց, թե ինչ կասի այն մասին, որ վարչապետ Նիկոլ Փաշինյանը Իտալիայում կրկին հայտարարեց, թե ԼՂԻՄ-ը անկախության հանրաքվեով Ադրբեջանի կազմից է դուրս եկել: «Առանց մեկնաբանության», – եղավ Ալեն Սիմոնյանի պատասխանը:
Հիշեցնենք, որ Արցախի անկախության օրը` սեպտեմբերի 2-ին, Նիկոլ Փաշինյանը գրել էր. «Այսօր Սովետական Ադրբեջանից Արցախի անկախության հռչակման օրն է»: Նրա այս ձեւակերպումը քննադատվեց:
Իսկ Միլանում վարչապետը ճշտեց, որ Արցախն ու Ադրբեջանը իրենց անկախությունը հռչակել են զուգահեռ, ԽՍՀՄ կազմից դուրս գալով` ժամանակին գործող ԽՍՀՄ սահմանադրության ու օրենսդրության, ինչպես նաև միջազգային իրավունքի նորմերին համապատասխան:
Աշոտ ՀԱԿՈԲՅԱՆ
