Ադրբեջանի իշխող «Ենի Ազերբայջան» կուսակցությունը հայտարարել է արտահերթ խորհրդարանական ընտրություններում հաղթելու մասին: Այս մասին Facebook սոցիալական ցանցում գրառում է կատարել կուսակցության ղեկավարի տեղակալ Ալի Ահմեդովը՝ վկայակոչելով էքզիթ փոլի արդյունքները:
Կանխատեսումների համաձայն՝ իշխող կուսակցությունը խորհրդարանում ստանում է 125 տեղից 69-ը՝ ապահովելով բացարձակ մեծամասնություն: Ադրբեջանի ԿԸՀ-ի տվյալներով՝ մասնակցությունը կազմել է 47.81 տոկոս: Ընտրություններին մասնակցել է 1314 թեկնածու՝ 20 քաղաքական կուսակցություններ, ինչպես նաև անկուսակցական թեկնածուներ: Միևնույն ժամանակ մի խումբ կուսակցություններ բոյկոտել են ընտրությունները: «Մուսավաթ» ընդդիմադիր կուսակցության առաջնորդ Արիֆ Հաջիլին հայտարարել է, որ ընտրություններն ամբողջությամբ կեղծվել են:
Ընդդիմադիրները ևս հայտարարում են բազմաթիվ խախտումների մասին՝ լցոնումներ, դիտորդների աշխատանքների խոչընդոտում:
Ժողովրդավարական նախաձեռնությունների ինստիտուտի ղեկավար Ակիֆ Գուրբանովը հայտնել է, որ ամենատարածված խախտումներից մեկը դիտորդների մուտքն ընտրատեղամասեր արգելելն էր: Իսկ այն ընտրատեղամասերում, որտեղ դիտորդներին հաջողվել է մուտք գործել, նրանց վրա ճնշումներ են կիրառվել:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
Ադրբեջանում ընտրությունների կեղծումը մեր շահերից է բխում՝նրանք ավելի խոցելի են դառնում միջազգային տարբեր ,,ֆորում,,ներում:Միայն մեկ բայց կա՝այդ ,,ֆորումները,,միշտ ամեն ինչ արել են մեկ հարթության մեջ դնել նաև ՀՀ-ին՝մեր օգնությամբ կամ առանց մեզ….