«Մեկ Հայաստան» կուսակցության մամուլի գրասենյակի ղեկավար Լուսինե Մարգարյանը ֆեյսբուքյան իր էջում գրել է․
Ուղիղ եթերը և առհասարակը, աշխատանքն առանց թերությունների, վրիպակների չի լինում։ Դա մենք գիտենք։ Գիտենք, քանի որ մշտապես աշխատել ենք և արվածի ու չարվածի համար էլ պատասխանատվություն կրել։
Ինձ պարզապես զարմացնում է փաստացի կատարվածից, ասվածից հետո պաշտոնական մեկնաբանություններ թողնելու ու պարզաբանումներ տալու այս ծայրաստիճան ոչ պրոֆեսիոնալիզմն ու անպատասպանատվությունը։ Բազմաթիվ օրինակներ կարող եմ բերել, երբ վարչապետից սկսած մինչ պատգամավոր ու նախարար՝ իրենց մամուլի խոսնակներով ու օգնականներով մի բան ասել են/ արել են, հետո իբր իրավիճակը շտկելու նպատակով փորձել են խմբագրել ու ամեն ինչ ավելի վատացրել։
Ժողովրդական առածը հենց այս դեպքերի համար է ասված․ «հոնքը սարքելու տեղը, աչքն էլ հանեցին»։ Վարչապետի մամուլի խոսնակը մեղքը Հանրային հեռուստատեսության վրա է գցում, Հանրայինը՝ մյուս բոլոր հեռուստաընկերությունների, տողատակում էլ՝ կառավարության։
Կարդացեք նաև
Մեկը մյուսի վրա մեղքը գցելու ընթացքում այս ամենը դառնում է օրվա թոփ-թեմա, ֆեյսբուքում անվերջ խոսում են, գրում, մեղադրում, նեղվում ու նեղանում։ Վստահաբար յուրաքանչյուրը փորձում է իր դիրքերն ամրապնդելու համար դիմացինի նկատմամբ դավեր նյութել։
Էս ինչո՞վ եք զբաղված, որևէ պատասխանատու օղակ չի՞ կարող ասել․ լավ չի, որ նման բացթողում է եղել, ներողություն խնդրել ու անցնել առաջ։
Ֆեյսբուքյան էջերում պաշտոնական գրառումներ անող, մեր՝ հարկատուներիս հարկերով պարգևավճարներ ստացող պաշտոնյաներ, ձեզ ՊԱՏԱՍԽԱՆԱՏՎՈւԹՅՈՒՆ բառը ծանո՞թ է։
Հարկատուներիս հարկերով պարգևավճարներ ստացող պաշտոնյաներ, Ձեզ ՊԱՏԱՍԽԱՆԱՏՎՈւԹՅՈՒՆ բառը ծանո՞թ է. Լուսինե…
Gepostet von «Մեկ Հայաստան» կուսակցություն am Sonntag, 19. April 2020
