Հայաստանի և Ադրբեջանի իշխանությունները պետք է ապահովեն Լեռնային Ղարաբաղի հակամարտությունը լուսաբանող լրագրողների անվտանգությունը։ Այս մասին հայտարարություն է տարածել Լրագրողների պաշտպանության հանձնաժողովը։
«Հայաստանն ու Ադրբեջանը պետք է անհապաղ դադարեցնեն ցանկացած ռազմական գործողություն, որոնք սպառնալիքի տակ են դնում լրագրողների կյանքը, և ապահովեն լրագրողների անվտանգությունը ղարաբաղյան հակամարտության լուսաբանության ժամանակ»,- ասել է հանձնաժողովի՝ Եվրոպայի և Կենտրոնական Ասիայի ծրագրերի համակարգող Գուլնոզա Սաիդը և հավելել, որ երկու կողմերի իշխանություններն էլ պետք է հանգամանորեն հետաքննեն լրագրողների ստացած վնասվածքները և մեղավորներին պատասխանատվության կոչեն։
Հիշեցնենք, որ այսօր Լեռնային Ղարաբաղում 4 լրագրող է վիրավորվել, որոնցից երկուսը՝ ֆրանսիական Le Monde պարբերականից։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
