BBC-ի ռուսական ծառայությանը տված հարցազրույցում ՀՀ առաջին նախագահի արտաքին քաղաքական հարցերով խորհրդական Ժիրայր Լիպարիտյանն այսպիսի մի դրվագ էր վկայակոչել. «1992 թվականին, երբ մենք վերցրինք Լաչինը, Պաշտպանության պետական կոմիտեի նախագահ դարձած Ռոբերտ Քոչարյանը հանդես եկավ հայտարարությամբ, որում խոստանում էր վերադարձնել Լաչինը, հենց որ մենք անվտանգության երաշխիքներ ստանանք։ Նա ինձ խնդրեց գրել այդ հայտարարության տեքստը։ Քչերը գիտեն այդ մասին, և հազիվ թե Քոչարյանը հիշի։ Պետական շատ գործիչներ իրենց հիշողությունն այնպես են տրամադրում, որ այն շատ կարճ լինի, և նրանց չի կարելի պատասխան տալ բառերի ու գործողությունների համար։
Այնպես որ, ի սկզբանե մենք այդ շրջանները վերցրել էինք պաշտպանության նպատակով և պատրաստ էինք փոխանակել անվտանգության երաշխիքների հետ»:
«Առավոտի» հարցին՝ տեսե՞լ է արդյոք այդ հրապարակումը եւ ինչպե՞ս կմեկնաբանի՝ ՀՀ 2-րդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանը միայն պատասխանեց. «Տեսել եմ: Սուտ է խոսում»:
