Օտարերկրացիները մեր երկրում հիմնականում վաճառում են իրենց անշարժ գույքը

Օտարերկրյա քաղաքացիները մեր երկրում ավելի շատ վաճառել են իրենց անշարժ գույքը, քան ձեռք են բերել։ Վիճակագրական կոմիտեն հրապարակել է անշարժ գույքի շուկայի վերաբերյալ  2022 թվականի դեկտեմբեր ամսվա տվյալները։

Անցած տարի դեկտեմբերին օտարերկրյա քաղաքացիները Հայաստանում գնել են ընդհանուր առմամբ 190 անշարժ գույք, որից 108-ը Երեւանում, Կոտայքում՝  34, մնացածն՝ այլ մարզերում։

Ըստ ՎԿ-ի, օտարերկրացիները մեր երկրում վաճառել են 302 անշարժ գույք, որից  82-ը Երեւանում, 44-ը՝ Կոտայքի մարզում, 39-ը՝ Արմավիրում, 28-ը՝ Լոռիում, 27-ը՝ Արարատի մարզում, մնացածն՝ այլ մարզերում։

Առուվաճառքի այս գործարքները հիմնականում վերաբերում են բնակարաններին, բնակելի տներին եւ հողին։ Օրինակ՝ նախորդ տարվա դեկտեմբերին օտարերկրյա քաղաքացիները Հայաստանում գնել են 90 բնակարան, 36 բնակելի տուն, 38 հողակտոր, վաճառել են 95 բնակարան, 71 բնակելի տուն։ Վաճառքի 122 գործարք էլ վերաբերել է հողակտորներին, որոնցից 72-ը՝ գյուղատնտեսական նշանակության։

Կարդացեք նաև

Ռուսաստանում օտարերկրացիների գտնվելու առավելագույն ժամկետը կարող է կրճատվել մինչև տարեկան 90 օր. «Ազատություն»

• 23:19 27.04.2024

Որդեգրման ենթակա առողջ երեխաների թիվն ավելի քիչ է, քան որդեգրել ցանկացող անձանց թիվը. պետությունը տարեկան ավելի քան 4մլն դրամ է ծախսում մեկ երեխայի շուրջօրյա խնամքի համար

• 18:49 25.04.2024

«Դուք մի վախեցեք այն թուրքից, որը գալու է` իր անունով անշարժ գույք ձեռք բերի Հայաստանում, վախեցեք այն հայից, ով թուրքի փողով է այդ անշարժ գույքը ձեռք բերում»․ Արայիկ Գոջաբաշյան

• 15:42 10.04.2024

Օտարերկրացիների մեծ մասը ՌԴ քաղաքացիներն են, որոնք մեր երկրում անշարժ գույք են գնել կամ վաճառել։ Ռուսաստանի քաղաքացիները դեկտեմբերին ընդհանուր առմամբ ձեռք են բերել 136 անշարժ գույք, հիմնականում բնակարան, հողակտորներ, հասարակական նշանակության շինություն, արտադրական նշանակության շինություն եւ նույնիսկ ավտոտնակ, իսկ վաճառել են 302 անշարժ գույք, մեծ մասը բնակելի տուն եւ բնակարաններ բազմաբնակարան շենքերում եւ հող։

Ռուսաստանի քաղաքացիներին այս գործարքներում հաջորդում են ԱՄՆ քաղաքացիները, նրանք գործարքները շատ չեն, գնել են ընդամենը 16 անշարժ գույք, վաճառել 18-ը, եւ կրկին՝ տուն, բնակարան, հող, ավտոտնակ։

Եվրոպական պետությունների քաղաքացիների՝ անշարժ գույքի գործարքներից գնման գործարքներն ընդհանուր առմամբ 13-ն են, նույնքան էլ վաճառել են, մեծ մասը՝ հող, բնակելի տուն եւ բնակարան։

Ըստ վիճակագրական կոմիտեի, ԱՊՀ պետությունների քաղաքացիները, բացառությամբ ՌԴ-ի, ընդամենը 9 անշարժ գույք են գնել եւ վաճառել։

Ինչպես նշված է ՎԿ-ի հրապարակման մեջ՝ այլ պետությունների քաղաքացիները  8 անշարժ գույք են ձեռք բերել մեր երկրում, որից 3-ը՝ բնակարան, 2-ը՝ բնակելի տուն եւ 3-ը հողակտոր, սակայն վաճառել են 20 հողակտոր, 1 բնակելի տուն, 2 բնակարան։

Նելլի ԲԱԲԱՅԱՆ