Ծանրամարտի Հայաստանի կանանց ազգային հավաքականի անդամ, 55 կգ քաշային Իզաբելլա Յայլյանը Կարեն Դեմիրճյանի անվան մարզահամերգային համալիրում ընթացող Եվրոպայի առաջնությունում Հայաստանի համար առաջին մեդալը նվաճեց։
Իզաբելլան երեք անգամ բարձրացավ պատվո պատվանդանի 3-րդ աստիճան․ առաջինը պոկում վարժությունում ցույց տված 87 կգ արդյունքի, երկրորդը՝ հրումի 109 կգի-ի եւ երրորդ անգամ՝ երկամարտի 196 կիլոգրամի համար։ Ընդ որում, Իզաբելլա Յայլյանի իր կարիերայում առաջին անգամ Եվրոպայի բրոնզ նվաճեց հրում վարժությունում եւ երկամարտում։
Կարդացեք նաև
Պայքարի ավարտին Իզաբելլան ասաց, որ ընդհանուր առմամբ բավարարված է, որ կարողացավ մարզական կարիերայում առաջին անգամ Եվրոպայի առաջնության մեծ բրոնզե մեդալ նվաճել, սակայն արդյունքից գոհ չէ, քանի որ մարզումների ժամանակ ավելի շատ էր բարձրացրել։ «Թերեւս, լարվածությունը մի փոքր խանգարեց։ Ֆիզիկականի խնդիր չկա։ Իսկ օգնեց մարզասերների աջակցությունը, առանց որի դժվար կլիներ»,-ասաց մարզուհին։
Այս քաշային կարգում Հայաստանի երկրորդ ներկայացուցիչը՝ Ալեքսանդրա Գրիգորյանը բավարարվեց երկամարտի 179 (80+99) կիլոգրամով։
Աշոտ ՀԱԿՈԲՅԱՆ
