Սահմանադրական դատարանը մայիսի 16ին ՍԴԱՈ-42 աշխատակարգային որոշմամբ բացառել է ՍԴ դատավոր Հրայր Թովմասյանի մասնակցությունը մի գործով:
Նշյալ որոշման համաձայն՝ «Սահմանադրական դատարանի դատավոր Հրայր Թովմասյանի մասնակցությունը Սահմանադրական դատարանում «Քնարիկ Ավագյանի և Հայկ Ավագյանի դիմումի հիման վրա՝ «Ապօրինի ծագում ունեցող գույքի բռնագանձման մասին» ՀՀ օրենքի 5-րդ հոդվածի 1-ին մասի 2-րդ կետի, 6-րդ հոդվածի 4-րդ մասի, 7-րդ հոդվածի 3-րդ մասի, «Դատախազության մասին» ՀՀ օրենքի 32-րդ հոդվածի 4-րդ մասի 2-րդ կետի՝ Սահմանադրությանը համապատասխանության հարցը որոշելու վերաբերյալ» գործի քննությանն անհնարին է, քանի որ նա գիտի կամ ողջամտորեն պետք է իմանա, որ ինքն անձամբ կամ իր մերձավոր ազգականը տնտեսական շահ ունի` կապված վեճի էության կամ կողմերից մեկի հետ»:
Սահմանադրական դատարանը նույն օրը գրավոր ընթացակարգով երեք որոշում է կայացրել, որով կա դատավորի երեք Հատուկ կարծիք:
ՍԴ այդ որոշումների մասին կարդացեք վաղվա «Առավոտում»
