«Պարոն Մինասյան, լո՞ւրջ եք ասում, ինչ ասում եք, ազգակործա՞ն։ Ո՞ւմ եք ազգակործան ասում։ Այդ ազգակործան բառն ասելուց խնդրում եմ ձեր երեսի անկյունը ճիշտ ուղղությամբ տարեք։ Կարո՞ղ է գիտեք, չենք տեսել, չենք հիշում՝ էդ ի՞նչ էյֆորիայի մեջ էիք, էդ ո՞նց էիք տոնում ու նշում, որ Արցախում իշխանազավթում եք իրականացրել»,- ԱԺ նիստում «Հայաստան» խմբակցության պատգամավոր Արծվիկ Մինասյանի ելույթին պատասխանեց ՔՊ խմբակցության պատգամավոր Վահագն Ալեքսանյանը։
«Չենք հիշո՞ւմ, որ ձեր գործընկերն ասում էր՝ այս իշխանափոխությամբ մենք ապացուցեցինք, որ Լեռնային Ղարաբաղն ի դեմս Ռուսաստանի ունի հզոր դաշնակից։ Ո՞ւր էր, պարոն Մամիջանյան, ձեր դաշնակիցը։ Չեք հիշո՞ւմ, որ ասում էիք՝ այսուհետ իշխանությունը Լեռնային Ղարաբաղում հայրենասերներինն է։ Ո՞ր հայրենասերներինը, որ Լեռնային Ղարաբաղի Հանրապետության լուծարման հրամանագիր են ստորագրո՞ւմ։ Առհասարակ մեր պատմության ընթացքում ինչքան կապիտուլյացիա կա, դա ձեր վրա է, պարոն Մինասյան, ձեր կուսակցության վրա է, ձեր խմբակիցների վրա։ Նոյեմբերի 9-ի փաստաթուղթը կապիտուլյացիա ասելով ման էիք գալիս, գոռգոռում էիք պատերի տակ, գնացիք աշխարհի ամենաիսկական կապիտուլյացիան ստորագրեցիք։ Դուք ստորագրեցիք, ձեր քաղաքական խմբակը ստորագրեց։ Տո ազգակործանն էլ եք, կապիտուլյանտն էլ եք, հողատուն էլ եք»,- հայտարարեց Վահագն Ալեքսանյանը։
«Հայաստան» խմբակցության պատգամավորները տեղից հանդիմանեցին Վահագն Ալեքսանյանին։ «Դուք թշնամի եք»,- հայտարարեց Էլինար Վարդանյանը։ «Հանգստացեք, տիկին։ Զսպեք ձեր էմոցիաները»,- ասաց ԱԺ նախագահ Ալեն Սիմոնյանը։
Կարդացեք նաև
Ռոզա ՀՈՎՀԱՆՆԻՍՅԱՆ
