Բաքվի ծանր հանցագործությունների դատարանում շարունակվում է Վագիֆ Խաչատրյանի գործով շինծու դատավարությունը, որին ադրբեջանական իշխանությունները մեղադրում են «ցեղասպանության» համար։
Ինչպես հաղորդում են ադրբեջանական ԶԼՄ-ները, Խաչատրյանը ցուցմունք է տվել և կրկին հերքել է իրեն վերագրող մեղադրանքները, ցուցմունք են տվել նաև գործով «տուժող» ճանաչված անձիք։
Sputnik գործակալության ադրբեջանական ծառայության փոխանցմամբ՝ Խաչատրյանը պնդել է, թե Մեշալի գյուղում տեղի ունեցած իրադարձությունների համար մեղավոր են «Հայաստանից ու արտասահմանից եկածները, որոնք Դաշնակցության անդամ են եղել»։
