Այսօր ՀՀ տարածքային կառավարման եւ ենթակառուցվածքների փոխնախարար Արմեն Սիմոնյանը (լուսանկարում) ԱԺ տնտեսական հարցերի հանձնաժողովի նիստում քննարկման ներկայացրեց «Պետական գույքի կառավարման մասին» օրենքում փոփոխությունների նախագիծը, որով կառավարությունը պետք է ունենա լիազորություն սահմանել պաշտոնատար անձանց ծառայողական մեքենաների հատկացման եւ շահագործման կարգը, վառելիքի փոխհատուցման կարգը, սահմանաքանակը, ձեռք բերվող ավտոմեքենաների առանձին չափորոշիչները:
Սիմոնյանն ասաց, որ կառավարությունն արդեն մշակել է այդ ամենը, այդ թվում՝ ավտոմեքենաների քսուքների, վառելիքի չափաքանակները:
Բաբկեն Թունյան
Հանձնաժողովի փոխնախագահ Բաբկեն Թունյանը հետաքրքրվեց՝ ունե՞նք նպատակ պետական ավտոպարկը թարմացնելու ժամանակ նախապատվությունը տալ էլեկտրոմոբիլներին:
Արմեն Սիմոնյանն ասաց, որ էլեկտրոմոբիլների հետ կապված Պետգույքի կառավարման կոմիտեն տեղեկացրել է, որ երբ մրցութային գործընթաց են կազմակերպել էլեկտրոմոբիլների ձեռքբերման, այն նկարագիրը, որը դրվել էր մրցույթին ու այն քանակները, որոնք պետք է ձեռք բերվեին, ցավոք, այդ չափանիշներով չի եղել դիմող կազմակերպություն:
Կարդացեք նաև
Հռիփսիմե ՋԵԲԵՋՅԱՆ
