44-օրյա պատերազմում անհետ կորած զինծառայողների ծնողներն ու հարազատներն այսօր հանդիպել են վարչապետ Նիկոլ Փաշինյանի հետ: Մոտ երկու ժամ տեւած հանդիպումից ծնողների մեծ մասը դժգոհ էին։ Նրանք հրաժարվում էին հանդիպումից մանրամասներ հայտնել լրագրողներին։
Ծնողներից մեկն Aravot․am-ի հետ զրույցում ասաց, որ հանդիպման ժամանակ Փաշինյանն ասել է, որ անհետ կորածների մասին միջազգային հարթակներում բարձրաձայնում են, էլի կշարունակեն բարձրաձայնել։ Նա եւս այլ մանրամասներ հանդիպումից չփոխանցեց։
«Մենք մեր էրեխեքին ենք ուզում, ուրիշ բան չունենք ասելու։ 20-25 հոգով հանդիպման էինք, ոչ մի հուսադրող բան չլսեցինք»,-ասաց ծնողներից մեկը։
Հանդիպմանը ներկա է եղել նաեւ առողջապահության նախարար Անահիտ Ավանեսյանը, որը եւս լրագրողներին մանրամասներ չփոխանցեց հանդիպումից։
Կարդացեք նաև
Նելլի ԲԱԲԱՅԱՆ
