«Գոյ» թատրոնի կառավարման խորհրդի նախագահ Սարգիս Արզումանյանը, որը երրորդ օրն է՝ անժամկետ նստացույց է անում, ֆեյսբուքի իր էջում ուղիղ եթերում հայտարարեց, որ ՀՀ կառավարությունը վերջապես իրենց ուղարկել է պատասխան:
«Գոյ» թատրոն. «Մեզ համար «մաքրությունը» պարտադիր պայման է
«Կառավարությանը հասցեագրված մեր փաթեթը վերահասցեագրվել է ԿԳՄՍ նախարարությանը: Ես նամակ եմ ուղարկում վարչապետ Նիկոլ Փաշինյանին, այնտեղ գրում եմ, որ հարգելի վարչապետ, ձեր ենթակայության տակ գտնվող ԿԳՄՍ նախարարությունը եւ իր ենթակա թատրոնը արել են մի շարք ապօրինություններ, եւ այդ մարդիկ, որ արել են ապօրինություն, հիմա այդ մարդկանց ուղարկում են մեր նամակը: Այսինքն, սա բացահայտ անգործություն է, այդ մարդիկ չեն կարդում դիմումի բովանդակությունը, փաստացի մեր դիմումը չի հասնում վարչապետին: Սա կամ անգործություն է, կամ միտում է, որ այս գործը չհասնի վարչապետին: Վարչապետը գիտի, թե չգիտի, դա հարցի մյուս կողմն է»,- ասաց Սարգիս Արզումանյանը:
Նա ասաց, որ մտածում են հետագա քայլերի մասին, առայժմ կսպասեն ԿԳՄՍ նախարարության պատասխանին:
Սարգիս Արզումանյանը նաեւ հավելեց, որ հարցաքննություն պետք է լինի այն հաղորդման վերաբերյալ, որ տրվել է իր կողմից: Խոսքը վերաբերում է աթոռների գողությունը եւ պետռեգիստրում «Գոյ» թատրոնի գործունեության դադարեցմանը:
Կարդացեք նաև
«Գոյ» թատրոնի կառավարման խորհրդի նախագահն ասաց, որ նստացույցը շարունակվելու է:
Պահանջը նույնն է՝ ՀՀ վարչապետը եւ ԿԳՄՍ նախարար Ժաննա Անդրեասյանը դրական պատասխան տան առաջարկին՝ «Գոյ» թատրոնը դառնա մասնավոր թատրոն, գործի նույն տարածքում և անցումային փուլում ստանա պետական աջակցություն։
Գոհար ՀԱԿՈԲՅԱՆ
Լուսանկարները՝ «Գոյ» թատրոնի ֆեյսբուքյան էջից
