«Լուսավոր Հայաստան» կուսակցության փոխնախագահ Դավիթ Խաժակյանի ֆեյսբուքյան գրառումը
Թե «ինչո՞ւ պետք է քաղաքական շարժումը հոգևորականը առաջնորդի» հարցադրումը տրամաբանական է։ Նորմալ քաղաքական համակարգով երկրում այդ գործառույթը ընդդիմությանն է, բայց մեր քաղաքական ուժերը այնքան են իրար մաշեցրել և «փչացրել», որ առաջնորդական ռեսուրս չի մնացել, և Սրբազանն է մեկնարկել այս շարժումը։
Ես չգիտեմ, թե Հայաստանի առողջացման գործընթացը երբ և ինչ հանգամանքներում կսկսվի, բայց գիտեմ, որ եթե «սև ու սպիտակի» բաժանումը, անվերջ իրար ապականելու մոլուցքը չվերանա, մեր երկիրը կմնա անդադար ցնցումների տեղապտույտում։
2018-ից առ այսօր Բագրատ Սրբազանի առաջնորդած շարժումը միակն է, որը խնդիր չի դնում «ոչնչացնել հակառակորդին» և նոր բաժանարար գծեր ստեղծել։ Օրակարգը հանուն է, իսկ առարկայական ծրագիրը կարծում եմ առաջիկայում կհստակեցվի։