Region monitor. Վրաստանի վարչապետ Իրակլի Կոբախիձեն մեկնել է Ադրբեջան՝ մասնակցելու COP29-ին:
Նա հանդիպում է ունեցել Ադրբեջանի նախագահ Իլհամ Ալիևի հետ:
Հանդիպմանը կողմերը քննարկել են համաժողովում քննարկվելիք հարցերը և երկու երկրների ռազմավարական գործընկերությունը։ Ընդգծվել է տարբեր ոլորտներում հաջող համագործակցությունը և տարածաշրջանային նշանակության համատեղ նախագծերի դերը երկրների և տարածաշրջանի զարգացման համար։ Հանդիպման ընթացքում ուշադրություն է դարձվել նաև տարածաշրջանում առկա անվտանգության մարտահրավերներին։ Կողմերը հաստատել են իրենց պատրաստակամությունը՝ հնարավորինս աջակցելու տարածաշրջանում խաղաղության և կայունության ապահովմանը։ Իրակլի Կոբախիձեն Իլհամ Ալիևին պաշտոնական այցով հրավիրել է Վրաստան։
«Ես շատ ընկերական և արդյունավետ հանդիպում ունեցա բոլոր թեմաներով: Կարևոր թեմաներից մեկը, որի մասին խոսեցինք, էներգետիկ անվտանգությունն էր։ Մեզ կապում են շատ կարևոր ռազմավարական նախագծեր, և մենք համատեղ աշխատում ենք նաև այս ուղղությամբ համագործակցության հետագա խորացման վերաբերյալ, այդ թվում՝ «Միջին միջանցք» նախաձեռնության շրջանակներում։ Իհարկե, մեր գործընկերությունն ավելի է խորանալու»,- նշել է Կոբախիձեն։
