«Կիևից հասել եմ մինչև Պրահա, Պրահա չհասած՝ թեթև վիրավորվել եմ»,- Հաղթանակի զբոսայգում լրագրողների հետ զրույցում իր հիշողությունները պատմեց Երկրորդ աշխարհամարտի վետերան, վաստակավոր ճարտարապետ, 104-ամյա Հրանտ Կարապետյանը։
Նա թոռան ուղեկցությամբ էր եկել Հաղթանակի զբոսայգի։
Ասաց, որ ուկրաինական 4-րդ ճակատում է կռվել։ Հիշեց՝ ինչպես են իմացել պատերազմի մասին և թե ինչպես է հայտնվել Երևանում․ «Մեր ավարտական երեկոն էր, դասարանով գնացել էինք Երևանյան լիճ՝ զբոսանքի։ Լսեցինք, որ մեր քաղաքները ռմբակոծում են։ Եկանք վայենկոմատ, մեզ ուղարկեցին ճակատ»։
Հրանտ Կարապետյանը պատմեց, որ պատերազմի ժամանակ գնդացրորդ է եղել։ Այնուհետև հիշեց, թե ինչպես է եկել Երևան․ «Թբիլիսում էի ծառայություն անցնում, մի օր հայ հրամանատարներին դուրս կանչեցին, ասացին՝ գնում եք Երևան։ Ֆրոնտից ընկա Երևան»։
Կարդացեք նաև
Տաթև ՀԱՐՈՒԹՅՈՒՆՅԱՆ
