Ֆուտբոլի Հայաստանի ազգային հավաքականը նորանշանակ գլխավոր մարզիչ Եղիշե Մելիքյանի ղեկավարությամբ Աշխարհի 2026 թվականի առաջնության եվրոպական գոտու որակավորման փուլի մեկնարկային խաղում Վազգեն Սարգսյանի անվան «Հանրապետական» մարզադաշտում 0:5 խոշոր հաշվով պարտվեց Պորտուգալիայի ընտրանուն:
Մեր թիմը որոշակի տպավորություն գործեց առաջին 10 րոպեներին, մինչեւ այն պահը, երբ Ժոաու Ֆելիքսը բացեց հաշիվը: Ճիշտ է, մեր տղաները փորձեր ձեռնարկեցին վերականգնելու հավասարակշռությունը խաղադաշտում եւ հաշվի մեջ, սակայն չհաջողվեց: Փոխարենը՝ հյուրերը դրսեւորեցին իրենց բարձր կարգը ու եւս չորս գնդակ անցկացրին տանտերերի դարպասը:
Հիմա կարեւոր է, որ մեր ֆուտբոլիստները հնարավորինս արագ «մոռանան» այս անհաջողությունը, վերականգնվեն հոգեպես եւ ֆիզիկապես ու արժանի ֆուտբոլ ցուցադրեն արդեն սեպտեմբերի 9-ին կրկին Երեւանում կայանալիք Իռլանդիայի հետ խաղում:
Կարդացեք նաև
Աշոտ ՀԱԿՈԲՅԱՆ
