ՀՀ հակակոռուպցիոն դատարանում սկսվել է Գյումրու գլխավոր ճարտարապետ Հենրիկ Գասպարյանի ու գործարար Սևակ Գոմցյանի մասնակցությամբ «կաշառքի գործի» քննությունը, որից առանձնացվել է Վարդան Ղուկասյանի մասը։
Այս պահին դատում են Գյումրու քաղաքապետին։
Վարդան Ղուկասյանը սա որակեց քաղաքական պատվեր։
Կարդացեք նաև
Նա նշեց, որ իր դեմ 2007 թվականին կատարված մահափորձից հետո իր ընտանիքը ենթարկվում է բռնությունների․ իր նկատմամբ հարյուրավոր գործեր են սարքվել, նույնը՝ տղայի պահով, նրան քանիցս բանտարկել են։
«Եկանք, հասանք էս վերջին ընտրություններին, դրանից առաջ մի քանի տասնյակ մարդիկ էդ կառույցներից ասում էին, թե քեզ չեն թողնելու աշխատես, բռնողներ՝ «մասկեքով», հարձակվել, գետին պառկեցնել․․․
Եվ էս վերջին անգամ, երբ ուզում էի, 84 միլիարդ դրամ քաղաքից հավաքում են, բայց 4 միլիարդ դրամ դոտացիա են տալիս, մնացել էր մի շաբաթ, դատի պիտի տայի, ուրեմն դրանից առաջ էս շոուն կազմակերպվեց, և էս ամեն ինչը քաղաքական պատվեր է։
Մի բան պիտի ասեմ, այն քննիչները, դատախազները, որոնք օրենքից դուրս ՝ զանգով հանկարծ գործունեություն են ծավալելու, ուրեմն մինչև վերջ պատասխան են տալու, էս կառավարությունը փոփոխվի, թե չփոփոխվի», -հայտարարեց Վարդան Ղուկասյանը։
Նունե ԱՐԵՎՇԱՏՅԱՆ
