«Ընտրակաշառք, բարեգործությունների դրույթի խախտում»,- այսօր լրագրողների հետ զրույցում ասաց փաստաբան Վահան Հովհաննիսյանը՝ անդրադառնալով այն հիմքերին, որով այսօր վաղ առավոտից «Ուժեղ Հայաստանի» գրասենյակներում իրավապահներն իրականացրել են խուզարկություններ եւ բերման ենթարկել 15 կուսակցականների:
«Այն օպերատիվությամբ, որ ուժայիններն արձանագրում ու արձագանքում են այս դեպքերին, եթե այս օպերատիվությամբ արձագանքեին մնացած բոլոր դեպքերին, մենք կունենայինք հանցավորության էական նվազում, ինչը չունենք»,- հավելեց Հովհաննիսյանը:
Ըստ նրա՝ այս պահին չկա խոչընդոտ փաստաբանների գործունեության համար, բոլոր բերման ենթարկվածները պաշտպաններով ապահովված են. «Որքան որ նոր քննարկումների արդյունքում հասկացանք, երբ «Մեր ձեւով» հասարակական կազմակերպություն է եղել բարեգործական նպատակներով հիմնված, ծրագրեր են իրականացրել, ներգրավված են եղել որոշակի անձինք, որոնք ստացել են աշխատավարձեր: Այդ աշխատավարձերը դիտարկվել են որպես ընտրակաշառքներ: Միգուցե անձինք աշխատանքային պայմանագրի հիման վրա չեն աշխատել, բայց դա առավելագույնը կարող է դիտարկվել աշխատանքային փոխհարաբերությունների խախտում, որը քրեական տիրույթում չէ»:
Կարդացեք նաև
Արփինե ՍԻՄՈՆՅԱՆ
