36-ամյա Գոհար Ղումաշյանը 12-ժամյա անազատության ընթացքում միայն 1 անգամ է կարողացել 2 ամսական երեխային գրկել ու կրծքով կերակրել, այն էլ ձերբակալվելուց 10 ժամ անց։ Մինչդեռ պետությունը ստանձնել է պարտավորություն կրծքով կերակրումը խրախուսելու, կրծքով կերակրող կանանց և երեխաների իրավունքները պաշտպանելու համար:
Միևնույն ժամանակ, դեպքի վերաբերյալ հանրային ու քաղաքական դաշտում եղել են մի շարք կնոջը որպես մայր նսեմացնող, պիտակավարող, կնոջ կրծքով կերակրումը սեքսուալիզացնող արտահայտություններ, որոնք խստորեն դատապարտելի են։
Առանձնապես դատապարտելի է ԱԺ պատգամավոր, իշխանական «Քաղաքացիական պայմանագիր» կուսակցության անդամ Արուսյակ Ջուլհակյանի արտահայտությունը․ «Անկախ կրծքերի զբաղվածությունից, եթե քրեորեն պատժելի արարք է արել, պետք է պատասխան տա»։ 
Անկախ կրծքերի զբաղվածությունից…» ձևակերպումը
-սեքսուալիզացնում է կրծքով կերակրումը,
-նվաստացնում է կնոջ արժանապատվությունը,
-ստեղծում է վտանգավոր նախադեպ՝ կրծքով կերակրող մայրերին թիրախավորելու, և նպաստում է ծաղրող, կրծքով կերակրելու համար ամոթ առաջացնող քննարկումներին,
-հակասում է պետության իսկ կողմից միջազգային փաստաթղթերով և ներպետական օրենսդրությամբ, ռազմավարություններով ստանձնած պարտավորություններին, հանրային առողջապահական և սոցիալական քաղաքականություններին։
Ամբողջական հայտարարությունն՝ այստեղ:
