«Մեկ ժամ առաջ ստացել ենք նոր ուժի կողմից օգտահաշիվ ստանալու հայտ։ Դա «Դեմոկրատիա, Օրենք Կարգապահություն կուսակցությունն է (ԴՕԿ)»,- ԿԸՀ-ի դիմաց լրագրողների հետ ճեպազրույցում ասաց ԿԸՀ մամուլի խոսնակ Սեդա Ղուկասյանը։
ԴՕԿ կուսակցությունը ստեղծել է Վարդան Ղուկասյանը («Դոգ» մականունով)։
Նշենք, որ քիչ առաջ իր փաստաթղթերը ԿԸՀ հանձնեց նաև «Հայաստան» դաշինքը։
Կարդացեք նաև
Սեդա Ղուկասյանը հայտնեց, որ այսօր մինչև ժամը 18։00-ը ուժերը հնարավորություն ունեն ներկայացնելու օգտահաշվի հայտ։ Այս պահին ԿԸՀ-ում օգտահաշվի հայտ ստացել են 24 ուժից։ Սեդա Ղուկասյանն ասաց․ «Բայց դա չի ենթադրում, որ ունենալու ենք 24 առաջադրում։ Իրենք ազատ են օգտահաշիվ ստանալու համար դիմել, բայց դա չի նշանակում, որ անպայման մասնակցելու են ընտրություններին»։
Սեդա Ղուկասյան
Հարցին՝ կհասցնե՞ն իրենք ժամկետներում տեղավորվել, Սեդա Ղուկասյանը պատասխանեց․ «Չեմ կարող ասել՝ իրենք կհասցնեն, թե՞ ոչ, բայց օգտահաշվի հայտը մենք ստացել ենք»։
Քաղաքական ուժերի՝ ԿԸՀ ընտրություններին մասնակցելու հայտեր ներկայացնելու գործընթացն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
