«Հաշվի առնելով հարևան երկրի ներքին վիճակը, եթե դու չունես պետական լծակներ, չես կարող ոչ մի ազդեցություն ունենալ այդ երկրի ապօրինությունների վրա։ Ռուբեն Վարդանյանի հետ, իրոք, մենք ունենք լուրջ ընդհանրություններ։ Երկու հարազատ ընկերներով մեզ կալանավորեցին։
Բայց մի անհանգստացեք, շատ շուտով արդարությունը Հայաստանում հաղթելու է, արդարադատությունը հաղթելու է։ Եվ ձևավորելով կառավարություն՝ մենք ամեն ինչ անելու ենք, որ մեր բոլոր հայրենասեր հայրենակիցները վերադառնան Հայաստան։ Ես վստահ եմ, որ դա կարող է անել միայն մեր ուժը՝ օգտագործելով մեր միջազգային լուրջ հնարավորությունները»- ԶԼՄ-ներին ասաց Սամվել Կարապետյանը՝ Բաքվում գտնվող մեր հայրենակիցների վերադարձի ուղղությամբ ջանքեր գործադրելու մասին։
Աշոտ ՀԱԿՈԲՅԱՆ
