«Հեղուկ գազի՝ իրանական արտահանման սահմանափակումը վերացվել է»,- Ապարանում ՔՊ-ի քարոզարշավի ժամանակ լրագրողների հետ զրույցում տեղեկացրեց ՀՀ էկոնոմիկայի նախարար Գևորգ Պապոյանը։
Նա վստահեցրեց՝ աշխատում են այն ուղղությամբ, որ Իրանից և ՌԴ-ից մեծ ծավալներով հեղուկ գազ գա Հայաստան, որպեսզի կարողանան իջեցնել հեղուկ գազի գները։
Նախարարը մանրամասնեց․ «Երեկ ինձ էկոնոմիկայի նախարարության կցորդը Իրանում զեկուցել է, որ Իրանից հեղուկ գազի արտահանման խնդիրը լուծվել է։ Դա նշանակում է, որ առաջիկա օրերին ՀՀ է մտնելու նաև իրանական հեղուկ գազ, որը գները կիջեցնի, ինչը նույնպես կարևոր է։ ՌԴ-ի հեղուկ գազը անխափան այս օրերին գալիս է, բայց ՌԴ-ում գների աճ է տեղի ունեցել, որն այստեղ իր ազդեցությունն ունեցել է։ Հուսամ, որ իրանական գործոնն իր ազդեցությունը կունենա, բայց նախկին գնին վերադարձ անիրատեսական եմ համարում»։
Գևորգ Պապոյանը, փաստելով, որ մայիսի սկզբին Հայաստան շատ քիչ քանակով հեղուկ գազ էր մտնում, որի հետևանքը հիմնականում այն էր, որ հեղուկ գազ չկար, վստահեցրեց, որ այսօր ՀՀ-ում հեղուկ գազ կա ամեն տեղ։
Կարդացեք նաև
Տաթև ՀԱՐՈՒԹՅՈՒՆՅԱՆ
