Այսօր վաղ առավոտից ՀՀ վարչապետ Նիկոլ Փաշինյանը քարոզարշավ է իրականացնում Երևանում՝ Ջրվեժում և Նոր Նորքում։
Քարոզարշավին նրան մոտեցած երեխաներից մեկը խնդրեց՝ Ձեր գլխարկը՝ որպես հուշ ինձ կտա՞ք, նա չտվեց ու ասաց․ «Չէ, գլխարկը նվիրում եմ օրվա վերջում»։
Փաշինյանն այսօր ձայնի հետ կապված խնդիր ունի, ասած՝ խնայում է կոկորդը։ Ուստի բակից բակ գնալով՝ քաղաքացիներին՝ «20-26-ին ընտրում ենք թիվ 16-ին» հորդորում էր Երևանի քաղաքապետ Տիգրան Ավինյանը։ Նա Նիկոլ Փաշինյանին ասաց՝ հուսամ, մեր ձայնը լսելի է։ Նիկոլ Փաշինյանն էլ, հիշելով «Ելք դաշինքի» տարիները, ասաց․ «Հարյուր տոկոս հասավ։ Սենց թասաձև տեղերն ամենահարմարն են։ Ելքի գարաժների տանիքներից այդ հմտությունները մնացել են»։
Կարդացեք նաև
ՔՊ-ի համար բակերում հյուրասիրություն էին կազմակերպել։ Նիկոլ Փաշինյանը, ձեռքը վերցրած ուտելիքով լի ափսեները, հյուրասիրում էր բնակիչներին։
Մի երիտասարդ տղամարդ մոտեցավ Փաշինյանին ու ասաց․ «Ես 2019-ից Ձեզ հետ եմ՝ ընտանիքով, ընկերներով։ Մայիսի 1-ին իմ հանդեպ է եղել մահափորձը»։
Նիկոլ Փաշինյանն էլ զարմացավ․ «Հա՞, ձերբակալված անձ չկա՞»։
Երեխաներից մեկն էլ Նիկոլ Փաշինյանին ասաց․ «Ինչի չեք սարքում ֆուտբոլի դաշտը, էրեխեքը խաղալիս վնասվում են։ Էդ մի բանն եմ ասում, ամեն ինչը Դուք խաբում եմ, ինչ ասել եք, ոչ մի բանը չի եղել։ Ձեր ոչ մի ասածը ճիշտ չի եղել»։ Նիկոլ Փաշինյանն էլ արձագանքեց․ «Լավ, եղբայր ջան»։
Նիկոլ Փաշինյանի քարոզարշավը Երևանում ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Լուսանկարում՝ Նիկոլ Փաշինյանի քարոզարշավը «Ելքի» շրջանում
