Գործող ռեժիմը շարունակում է իր անօրինությունները։ Արդեն անցել է բարոյականության եւ սթափության բոլոր սահմանները։
Անհեթեթ, շինծու եւ հիմնազուրկ մեղադրանք է առաջադրվել «Մայր Հայաստանի» առաջնորդ Անդրանիկ Թևանյանին։
Չկարողանալով արդար մրցակցության մեջ մտնել ընդդիմադիր ազգային ուժերի հետ՝ ռեժիմը փորձում է Անդրանիկ Թեւանյանի մեկուսացմամբ թուլացնել «Բարգավաճ Հայաստան» կուսակցության աճող վարկանիշը, որի համամասնական ցուցակով հունիսի 7-ի խորհրդարանական ընտրություններին մասնակցում է «Մայր Հայաստանը»։
Այս ընտրություններով որոշվում է ՀՀ ճակատագիրը։ Թույլ չենք տա իշխող անպատասխանատու բախտախնդիրներին փորձել նման հակաիրավական քայլերով ազդել ընտրությունների ելքի վրա։ Համոզված ենք, որ հունիսի 7-ին մեր ժողովուրդը ճիշտ ընտրություն կկատարի, եւ Հայաստանը կազատվի բռնատիրական ռեժիմի հաստատման վտանգից։
«ՄԱՅՐ ՀԱՅԱՍՏԱՆ»
