«Երկու օր առաջ ասում էր՝ բոլորդ պետք է էնտեղ մեռնեիք, ինչի՞ եք եկել։ Ձեզ խնդրում ենք՝ փրկեք մեզ»,- «Ուժեղ Հայաստան» կուսակցությունների դաշինքի վարչապետի թեկնածու Սամվել Կարապետյանի առանձնատանը հրավիրված արցախցիների հետ հանդիպման ժամանակ մի արցախցի կին դիմեց Սամվել Կարապետյանին։
Նա էլ պատասխանեց՝ դրա համար եմ այստեղ․ «Ես շատ նորմալ զբաղվում էի իմ գործով, շատ լավ գործով, շատ հաջող զարգանում էինք, քանի դեռ չտեսա՝ այս մարդիկ արդեն ջնջում են մեր ինքնությունը, հարձակվում են մեր եկեղեցիների վրա, իրենց չբավարարեց Արցախի կորուստը։ Մենք Արցախի ժողովրդի անվտանգ վերադարձի հարցը կլուծենք ճիշտ դիվանագիտությամբ՝ չհանձնելով մեր շահերը, արցախցիների շահերը։ Մեր առաջին խնդիրը լինելու է արցախահայության արժանապատիվ կյանքը ապահովել ՀՀ-ում, զուգահեռ վերադարձի իրավունք եք ստանալու։ Արցախի ժողովրդի հարցը լինելու է մեր գլխավոր հարցերից մեկը, կարող եք չանհանգստանալ»։
Հարցին՝ արդյոք հնարավորություն կա՞, որ 070 կոդով անձնագրեր ունեցողները համարվեն Հայաստանի քաղաքացի, և արցախցիներն իրավունք ունենան ձայն տալու, Սամվել Կարապետյանն ի պատասխան վստահեցրեց․ «Ընդամենը 15 օր ժամանակ մնաց, կանցնենք նախընտրական փուլը և կշարունակենք այդ հարցերին լուծում տալ»։
Սամվել Կարապետյանի՝ արցախցիների հետ հանդիպումն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
Նկարը՝ Ռուբեն ՄՈՒՐԱԴՅԱՆԻ
